રાજસ્થાનમાં શીત લહેરે લોકોને ધ્રુજાવ્યા છે. માઉન્ટ આબુમાં બરફની ચાદર પથરાઈ છે.
બે દિવસથી સતત શીત લહેરનાં કારણે દિવસભર ગરમ વસ્ત્રોમાં વીંટળાયેલા લોકો જોવા
મળ્યા હતા. ત્યારે હાલ માઉન્ટ આબુમાં લઘુત્તમ તાપમાન માઈનસમાં હોવાનું અનુમાન છે.
તેમજ માઉન્ટ આબુમાં ખુલ્લામાં પાર્ક કરેલા વાહનો પર બરફ જામ્યો છે. લોકો ઠંડીથી
રક્ષણ મેળવવા ગરમ વસ્ત્રો અને તાપણાનો આશરો લીધો છે.
પહાડો પર હિમવર્ષાની અસર રાષ્ટ્રીય રાજધાનીમાં દેખાઈ રહી છે. સોમવાર આ
શિયાળાની મોસમનો સૌથી ઠંડો દિવસ જ નથી પરંતુ દિલ્હીના લોકોએ પણ ઠંડીનો
અહેસાસ કર્યો હતો. આગામી દિવસોમાં ઠંડી અને ઠંડીમાં વધારો અને તાપમાનમાં
ઘટાડાનો સિલસિલો જારી રહેવાની ધારણા છે.
READ MORE :
દીપિકા પટેલના આપઘાતનું રહસ્ય, અઠવાડિયું પૂર્ણ છતાં કારણ અજાણ
હવામાન વિભાગના જણાવ્યા અનુસાર, સોમવારે રાજધાનીમાં મહત્તમ તાપમાન
21.6 ડિગ્રી સેલ્સિયસ હતું, જે સામાન્ય કરતાં 3.2 ડિગ્રી ઓછું હતું. જે આ સિઝનમાં
અત્યાર સુધીનો સૌથી ઓછો છે. મળતી માહિતી મુજબ આ પહેલા 18 નવેમ્બરે
23.5 ડિગ્રી સેલ્સિયસ તાપમાન નોંધાયું હતું.પાલમમાં તે 19.0 ડિગ્રી હતું, જે સામાન્ય
કરતાં છ ડિગ્રી ઓછું હતું. તેવી જ રીતે, લઘુત્તમ તાપમાન 8.2 ડિગ્રી નોંધાયું હતું,
જે સામાન્ય કરતાં એક ડિગ્રી ઓછું હતું. આયાનગરમાં તે 6.4 ડિગ્રીથી પણ નીચું
નોંધાયું હતું. હવામાં ભેજનું પ્રમાણ 100 થી 65 ટકાની વચ્ચે નોંધાયું હતું.
READ MORE :
મહેસાણા નસબંધી કાંડમાં મોટો ખુલાસો, બોગસ સર્ટિફિકેટથી નોકરી મેળવનાર ઓપરેશન કરનાર ઝડપાયો
મહારાષ્ટ્ર મંત્રીમંડળ વિસ્તાર વિલંબ, ભાજપ-શિવસેના વચ્ચે સરકારના કામકાજ પર અસર
