Surendranagar
સુરેન્દ્રનગર અને વઢવાણ શહેરી વિસ્તાર સહિત તાલુકાઓમાંથી બિનવારસી હાલતમાં લાશો મળી આવવાના બનાવો વધી રહ્યાં છે.
આ સમયે, રતનપર વિસ્તારમાંથી પસાર થતી ભોગાવો નદીના ગંદા પાણીમાંથી એક અજાણ્યા યુવકની કોહવાય ગયેલી હાલતમાં લાશ મળી
આવી હતી.
જેની જાણ જોરાવરનગર પોલીસને કરવામાં આવી હતી, અને સ્થળ પર પહોંચી વધુ તપાસ હાથધરી હતી.
રતનપર વિસ્તારમાંથી પસાર થતી ભોગાવો નદીના પાણીમાં એક અજાણ્યા યુવકની શંકાસ્પદ હાલતમાં લાશ પડી હોવાની
જાણ ત્યાંથી પસાર થતાં વાહનચાલકો સહિત લોકોને થઈ હતી. આ અંગે જોરાવરનગર પોલીસને જાણ કરવામાં આવી હતી.
પોલીસ કાફલો ઘટના સ્થળે પહોંચી ગયો હતો, અને યુવકની લાશને નદીમાંથી બહાર કાઢી વધુ તપાસ શરૂ કરી.
પ્રાથમિક તપાસમાં લાશ કોહવાય ગયેલી હાલતમાં હતી, જેના કારણે ઓળખ કરવી મુશ્કેલ બની હતી.
તેવીજ રીતે, લાશ ત્રણ-ચાર દિવસથી પાણીમાં હોવાની આંકલન પણ થયો હતો. આથી,
લાશનો કબ્જો લઈ પીએમ અર્થે સરકારી હોસ્પિટલમાં ખસેડી વધુ તપાસ શરૂ કરવામાં આવી.
સાથે જ, અજાણ્યા યુવકના વાલી વારસોને શોધવાની તજવીજ પણ હાથ ધરવામાં આવી હતી.
Read More : દિલ્હીમાં ધુમ્મસનો કહેર : ઝીરો વિઝિબિલિટી થવાને કારણે ટ્રેન અને ફ્લાઇટને અસર
